- मेकिंग महाराष्ट्र – कराड : सातारा स्थानिक गुन्हे शाखेने कारवाई करत सराईत गुन्हेगाराकडून फलटण, शिरवळ, लोणंदमधील तब्बल २३ गुन्हे उघड करुन, सोन्याचे ५३ तोळ्यांचे दागिने हस्तगत केले. सातारा जिल्ह्यातील विविध पोलीस ठाण्यात दाखल दरोडा, जबरी चोरी, घरफोडी अशा एकूण २३ गुन्ह्यांची उकल झाली आहे. स्थानिक गुन्हे शाखेने गुन्ह्यांमधील ५३ तोळे सोन्याचे व सुमारे ५० हजार रुपये किंमतीचे चांदीचे दागिने असा ३२ लाख ५६ हजार रुपयांचा ऐवज हस्तगत केला.दरोडा व चोरीचे गुन्हे उघडकीस आणण्यासाठी पोलीस अधीक्षक समीर शेख यांनी पोलिसांना सक्त सूचना दिल्या आहेत. अनुषंगाने सातारा स्थानिक गुन्हे शाखेचे (एलसीबी) पोलीस निरीक्षक अरुण देवकर यांनी ही मोठी कारवाई यशस्वी केली. त्यांनी सहाय्यक निरीक्षक रवींद्र भोरे, उपनिरीक्षक अमित पाटील, पतंग पाटील यांच्या नेतृत्वाखाली तपास पथक तयार केले होते.लोणंद पोलीस ठाण्याच्या हद्दीत दाखल झालेल्या एका चोरीच्या गुन्ह्यांमध्ये रोहित उर्फ टक्या चिवळ्या पवार (रा. सुरवडी, ता. फलटण) याचा सहभाग असल्याचे या पथकाच्या तपासात समोर आले. त्यानुसार पोलीस फौजदार अमित पाटील यांनी त्याला ताब्यात घेतले. आणि त्याच्याकडे कसून चौकशी केली असता त्याने साथीदारांसोबत खंडाळा, शिरवळ, लोणंद, फलटण व पुणे जिल्ह्यातील सासवड पोलीस ठाण्याच्या हद्दीत चोरीचे अनेक गुन्हे केल्याची कबुली दिली. दरोड्याचा एक, जबरी चोरीचे पाच, घरफोडीचे १२ व अन्य चोरींचे पाच असे २३ गुन्हे उघडकीस आले.सातारा जिल्हा पोलीस दलाने नोव्हेंबर २०२२ पासून जिल्ह्यातील मालमत्तेसंदर्भातील १३८ गुन्हे उघडकीस आणले आहेत. या गुन्ह्यांत चोरीला गेलेला २ कोटी ३८ लाख ७४ हजार रुपयांचा मुद्देमाल हस्तगत करण्यात स्थानिक गुन्हे शाखेला यश आले आहे.
- Friday, December 12, 2025
संपर्क:- 9881675718